ابوذیّات مکابح العاجلات
یولفی انسدّت ادروبک منهلاک
شتراجب گلّی من ربّک منهلاک
عذاب الشفته مو منّک منهلاک
یوزّون اهلی تهمونی ابردیّه
...
مو صدفه سلبت العگل بالهام
یولفی او ورطتنی ابتعب بالهام
احطّک بالگلب بالعین بالهان
لان بُعدک صعب و اتعن علیّه
...
مکابح دور هجرانک من العای
او گلب حبّک جبح ناتج من العای
عمیت ابنفخت انهاتک من العای
سمج ما تنحمل نارک خفیّه
...
انجرحت او دمّی یجری منّک ابرا
عزیز اشلون اعوفک منّک ابرا
حبیبی الخیط منّی منّک ابرا
ابعجل و انخیّط افتوگ الشجیّه
...
ارتوی من مای معروفک صفالک
ما تهنی ابذهب غیرک صفالک
اقتنع بالرزق لو جالک صفالک
الطمع یفنیک لو سید البریّه
...
احترم کلمن نطق عانک و جالک
تهنّه اویه الشبه طبعک وجالک
الیکرهک نار باعیالک وجالک
ایتعلی ابزود اخو الّی هان اخیّه
...
اذا تفنی ابطمع مالک دوالک
ابسقی العطشان لا تخفی دوالک
احترم نفسک تسر حالک دوالک
حکیم اتصیر تشفی البیه اذیّه
...
شد لا تکتفی ابغیرک حمالک
الیضدّک بالجسد دربک حمالک
ابصحراء لا تطش مایک حمالک
انتکالک عالسراب ایدمّر الاعصاب
...
و حق الّی نزل آیه ورایه
ما اطیع الفتک ذایه ورایه
نسانی الچنت اله بیرق ورایه
علّیته او عله او ذبنی ابهبیّه
...
غریب اتحس یناهی منتهنّه
گلبک شال منّه منتهنّه
دربک یالخنتنه منتهنّه
ذلیل اترد تبوس اثنین ادیّه
...
المال ابغشش ضایع ونت جاره
اعتمد میزان بیعک ونت جاره
شلون اتهین جارک ونت جاره
تراویه حنطه صفراء اتبایعه اشعیر
...
ایتوسّف من هدر وکته ولاباک
ولا بالصادقک رحمه ولاباک
لا انت اکرمت مثلی ولاباک
تذمنی لیش و اتبلّغ علیّه
...
جاسم ثعلبی الحسّانی 08/06/1400
:: برچسب‌ها:
ابوذیّات مکابح العاجلات ,
:: بازدید از این مطلب : 1067
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
